სოციალურ ქსელში ძალიან პოპულარულია თამათა კახაბერიძის მიერ გავრცელებული ამბავი, რომელიც თბილისში, სამარშტუტო ავტობუსის მძღოლისა და მგზავრის დიალოგის ერთ-ერთ ფრაგმენტს მოიცავს.
თამთა კახაბერიძის პოსტს უცვლელად გთავაზობთ:
“საბურთალოდან მივდივარ ვაკეში. გაჩერებასთან ქალმა გააღო მარშუტკის კარი და მძღოლს ეკითხება:
– თავისუფლებამდე მივალთ?
– ვინ მიგვიშვებს, თორემ კი. – მოკლედ მოუჭრა მძღოლმა.
– უიიი – შეწუხდა ქალი – ანუ ვერა ხო?
– რა გაგიკვირდათ ქალბატონო, თავისუფლებამდე მისვლა ასე მარტივი საქმე კი არაა.
– რავიცი, მეგონა მხოლოდ ჭავჭავაძე იყო გადაკეტილი. – ჩაილაპარაკა ქალმა.
– ოოო, აი, ჭავჭავაძის გზით რომ გვევლო, იქნებ აქამდე მივსულიყავით კიდეც თავისუფლებამდე.
– უკაცრავად?
– ამობრძანდით, ქალბატონო, ამობრძანდით. მე ჭავჭავაძის გამზირსაც გავივლი და თავისუფლების მოედნამდეც მივალ, ამ ქვეყანას რა ეშველება თორემ …” :DDDD
ფოტოსურათი მითითებულია ტემატურად
dainteresdi.club