გადაცემა „ფარულ კონვერტში“ შოუმენი ამიკო ჩოხარაძე იხსენებს ისტორიას, რომელიც მის ერთ-ერთ ყოფილ შეყვარებულს ეხება.
მისი თქმით, გოგონამ მას საჩუქარი აჩუქა, რომელმაც ის დროთა განმავლობაში სრულიად შეცვალა.
„გამიკეთა საჩუქარი ფსალმუნის ვიზუალით და როგორც თილისმა ისე გავიკეთე. დიდი ხნის განმავლობაში ვერ ვამჩნევდი, მაგრამ ოჯახის წევრებს ყველას ჩამოვშორდი და მხოლოდ ამ გოგოსთან ვატარებდი დროს.
შემდეგ თავს ცუდად ვგრძნობდი და ექიმთანაც მივედი, საბოლოო ჯამში გადავწყვიტეთ, რომ ეკლესიაში წაგვეღო, გავხსენით ეს ნივთი და გველის ენა იყო. ამის მერე ყველაფერი სხვანაირად წავიდა. ამ ადამიანს ახლა კარგი ცხოვრება აქვს, ჰყავს ოჯახი, ნანობს თავის შეცდომას, მეც ვპატიობ და ამ დამწვარ კვამლს გავატან“,- ამბობს შოუმენი.