“ექიმმა პაციენტს ტელეფონით წნევის წამალი დაუნიშნა, ადგილზე მისულს კი წარმოუდგენელი რამ დახვდა”

სოციალურ ქსელში სასაცილო ისტორია ვრცელდება.
გარდაბანში ერთ მამაკაცს მაღალი წნევა ჰქონდა. ოჯახის წევრებმა ექიმს დაურეკეს. მან კი ტელეფონით ურჩია – ჩემს მოსვლამდე, ავადმყოფს ენის ქვეშ კაპტოპრილი ჩაუდეთო!
გამოძახებაზე მისულ ექიმს ყბაახვეული და ისევ მაღალწნევიანი პაციენტი დახვდა.

ექიმი გაოცდა – ყბა რატომ აქვს ახვეულიო?!
ამათმა – რაღა რატომო? როგორც გვითხარით, ენის ქვეშ ჩაუდეთ, მაგრამ ყბა რომ დაეღალა და ვეღარ იჭერდა, ავუხვიეთ, რომ არ გადმოვარდნოდაო.
– რა რომ არ გადმოვარდნოდაო?! – გაგიჟდა მკურნალი.
– კარტოფილიო! – მიუგო ოჯახმა.