თიანეთის ყოფილი მერი და ყოფილი დეპუტატი, თამაზ მეჭიაური გარდაიცვალა. ამის შესახებ ინფორმაციას მისი შვილი სოციალურ ქსელში ავრცელებს.
“ვაჟკაცურად იბრძოლა, მარადისობაში გადავიდა. უფალს ვაბარებთ მამა, შენ ნათელ სულს.💔❤️🙏
პანაშვიდი ქაშვეთის წმ.გიორგის ეკლესიაში 15 თებერვალს – სამშაბათს 17:00 საათიდან. 16 თებერვალს – ოთხშაბათს 17 :00 საათზე გადასვენება თიანეთში. დაკრძალვა შაბათს – 19 თებერვალს 14:00 საათზე, თიანეთი, სოფელი ჟებოტა.” წერს ზაზა მეჭიაური.
თამაზ მეჭიაურს რამდენიმე კვირის წინ კორონავირუსი დაუდასტურდა. მისი მდგომარეობა მძიმე იყო.