“დარწმუნებული ვარ, რუსეთს რომ სცოდნოდა, რა ელოდა უკრაინაში, აქ ჩამოსვლის შეეშინდებოდათ”, – თქვა უკრაინის პრეზიდენტმა, ვოლოდიმირ ზელენსკიმ ვიდეომიმართვაში. როგორც მან აღნიშნა,
რუსეთის სრულმასშტაბიანი შეჭრიდან ერთ თვეში, უკრაინამ დამპყრობლების თავდასხმის ყველა ძირითადი მიმართულება შეაჩერა.ღამეა, მაგრამ ჩვენ ვმუშაობთ. ქვეყანა მშვიდობისკენ უნდა წავიდეს, წინ უნდა წავიდეს. ჩვენი თავდაცვის ყოველი დღე გვაახლოებს მშვიდობასთან, რომელიც ასე გვჭირდება. ჩვენ გამარჯვებას ვუახლოვდებით, რადგან ეს ომი გამარჯვების გარეშე უბრალოდ შეუძლებელია. ასეც იქნება. ერთი წუთითაც არ შეიძლება გაჩერება, რადგან ყოველი წუთი ეხება ჩვენს ბედს, ჩვენს მომავალს იმის შესახებ, ვიცხოვრებთ თუ არა. 30 დღე. 1 თვე გავიდა! რუსეთს რომ სცოდნოდა, რა ელოდათ, დარწმუნებული ვარ, აქ ჩამოსვლის შეეშინდებოდათ. ამ თვის განმავლობაში, ჩვენ შევაჩერეთ რუსეთის თავდასხმების ყველა ძირითადი მიმართულება. მსოფლიომ გამოიყენა სანქციები რუსეთის წინააღმდეგ და ჩვენ კიდევ ვაწარმოებთ მოლაპარაკებებს ახალ სანქციებთან დაკავშირებით”, – თქვა ვოლოდიმირ ზელენსკიმ.
მანვე აღნიშნა, რომ საუბარი ჰქონდა ნატო-ს, G7-ისა და ევროკავშირის სამიტის წევრებთან, ასევე, შვედეთის პარლამენტის დეპუტატებთან, ლიეტუვის პრეზიდენტს, ისრაელისა და დიდი ბრიტანეთის პრემიერმინისტრებს.”ეს ყველაფერი ჩვენი სახელმწიფოს მხარდაჭერისთვისაა. ეს ჩვენ გვჭირდება ჩვენი თავდაცვისთვის. რუსეთმა უნდა გაიგოს ერთი რამ: აუცილებელია მშვიდობის ძიება. მშვიდობა რუსეთსაც სჭირდება”, – დასძინა უკრაინის პრეზიდენტმა.