“მეგი გოგიტიძე შენ მაჩანჩალა ქალო, მოსკოვებში რომ მიდიხარ, უკან ვის იტოვებ” – დომენიკ მანგო

ბლოგერი დომენიკ მანგო მომღერალ მეგი გოგიტიძის გადაწყვეტილებას სოციალურ ქსელში ეხმაურება.
“Megi Gogitidze / Меги Гогитидзе შენ მაჩანჩალა ქალო, მოსკოვებში რომ მიდიხარ, უკან ვის იტოვებ, რატომ არ დაფიქრებულხარ? 8 აგვისტომდე 2 დღით ადრე რუსებს რომ უმართავ ტაშ-ფანდურს, რა გგონია, უკან დაბრუნებულს ტაშით შემოგეგებებიან მგლოვიარე დედების ქვეყანაში, რომელთა

შვილებიც კონდახებით და ხერხემლის მალებზე ხტუნვით აწამეს რუსებმა? შენ მაჩანჩალა ქალო, რად გიღირს ეგ ფული, რომ შენი სამშობლოს ღირსებას ფეხით თელავ გლოვის დღემდე ორი დღით ადრე? რად ღირს შენი სამშობლო, რომ ფულში ცვლი მას?! შენ აქ აღარავინ მოგისმენს, ამიტომ დარჩი იქ. კარგიც არის, ყველა მედროვე თუ გადასახლდება იქ – ნაკლები ლაჩარი დაგვრჩება აქ!”, – წერს აქტივისტი.

შეგახსენებთ, რომ მეგი კონცერტს გამართავს რუსეთში და ბილეთებს საკუთარ გვერდზე ყიდის, რომელიც რუსულენოვანია. საზოგადოების მძაფრი რეაქციის შემდეგ გოგიტიძემ ორი მიმართვა გაავრცელა და განაცხადა, რომ საკუთარ იდეას ბოლომდე მიიყვანს, ხოლო მასთან ბრძოლა მარტივი არ არის.