“მე რომ პრემიერი ვიყო…” – რას გააკეთებდა გახარია, დღეს რომ პრემიერი იყოს?

ყოფილი პრემიერ-მინისტრი, გიორგი გახარია, “ტვ პირველთან” საუბრობს იმაზე, რას გააკეთებდა, დღეს რომ ის იყო პრემიერი.
მე რომ პრემიერი ვიყო:

1. პირველი, გამოვიდოდი და გავაკეთებდი განცხადებას, იმასთან დაკავშირებით, რომ საქართველოს კრიტიკულად სჭირდება ეს სტატუსი, ამიტომ ჩვენ ყველანი, მიუხედავად პოზიციებისა, ამ საკითხის ირგვლივ ვერთიანდებით და ეს რაღაც კაკაფონია რომ მიდის ახლა, ყველა რაღაცას რომ მოუწოდებს ევროკავშირს, ესე კი არ იქნებოდა, იქნებოდა ისე, როგორც ნორმალურ ქვეყნებში ხდება, აღმასრულებელი ხელისუფლების ლიდერობით.
2. მეორე – ძაან კარგად იციან, რომ ჩვენი სასამართლო არ არის იდეალური და ვიტყოდი, ვიღებთ ვალდებულებას, რომ სასამართლო რეფორმირების ნაწილში ამ და ამ ნაბიჯებს გადავდგამთ.
3. ვიტყოდი, რომ მე, საქართველოს პრემიერი, ჩემი პირდაპირი დაქვემდებარებით გამოვყოფ ცალკე ერთეულს ადმინისტრაციაში, რომელიც იქნება ევროატლანტიკური ინტეგრაციის დეპარტამენტი, იქნება ინსტიტუტი, რომელიც პირდაპირ იმუშავებს ჩვენ მეგობრებთან, ეს პოლიტიკური განაცხადიც იქნებოდა.
4. გამოვიდოდა და ვიტყოდი – მე თვითონ ვაყალიბებ დამოუკიდებელ ანტიკორუფციულ სააგენტოს, რომელმაც უნდა უზრუნველჰყოს ღარიბი, გარდამავალი ეკონომიკის ქვეყანაში კორუფციასთან ბრძოლა, როგორც მუდმივი პროცესი.
5. გამოვიდოდი და ვიტყოდი, რომ დღეს საქართველოს პარლამენტს აკლია საზედამხედველო ფუნქციების აღსრულების შესაძლებლობა და დღეს რომ გაკეთეს ეს ინტერპელაცია… ილუზია იყო ეს საპარლამენტო დემოკრატიის. საპარლამენტო დემოკრატიის ძირითად ინსტრუმენს, ზედამხედველობის ფუნქციას მე თვითონ გავაძლიერებდი.
6. რაც მთავარია, ვიტყოდი, რომ ჩვენ გვესმის, რა არის ევროპული დემოკრატია – კომპრომისი და დიალოგი და ის თუ აქამდე რაღაც შეცდომები დავუშვით, ყველაფერს გავაკეთებთ იმისთვის, რომ დიალოგით მივიდეთ კომპრომისებამდე, ისეთ საკითხებთში მაინც, რომელზეც ჩვენი მოქალაქეები უკვე შეთანხმებულები არიან – ისინი შეთანხმებულები არიან, რომ ევროპა არის ის ოჯახი, რომელშიც წევრობა უნდათ, შეთანხმებულები არიან, რომ საქართველო უნდა იყოს დემოკრატიული, განვითარებული, ძლიერი ინსტიტუტების ქვეყანა.