მმართველი პარტია კიდევ ერთმა წევრმა დატოვა და ე.წ. ტრიოს შეუერთდდა. თელავის საკრებულოს წევრმა, ლევან კოჭლოშვილმა ვრცელლი სტატუსი ცოტა ხნის წინ გამოაქვეყნა.
საჯარო მოხელე, რომელიც ანტიდასავლური აქციების ხელის შეშლით გახდა ცნობილი და ხელისუფლების მიერ ორგანიზებულ ე.წ. “ცოცხიანების აქციებშიც” იღებდა მონაწილეობას, ამბობს, რომ “სიმართლის მოურიდებლად ლაპარაკის” დროა:
ის, რომ დღეს ჩვენ ვარსებობთ, როგორც დამოუკიდებელი ქვეყანა ჩვენი წინაპრების არაერთი თავდადების და ვაჟკაცობის დამსახურებაა. ჩვენთვის საყვარელი მეფე ერეკლეს მსგავსად დარმწუნებული ვარ, თითოეული ჩვენი სახელოვანი წინაპარის ოცნება მშვიდობიანი, ერთიანი, ქრისტიანული და ევროპული საქართველო იყო, რომელიც ძლიერ ქართულ ფესვებზე უნდა ყოფილიყო დაშენებული.
ჩვენს მეფეებს ჯეროდათ და სწამდათ, რომ ჩვენი მტრებისგან განსხვავებით, ევროპა იყო ის ადგილი სადაც საქართველო დაიმკვიდრებდა ადგილს საკუთარი ისტორიით, კულტურითა და მრავალგანსაცდელ გამოვლილი რწმენით.
დღეს გარკვეული ძალები ქვეყნის შიგნით თუ გარეთ, ევროპულობას ამოფარებულები ებრძვიან ყოველივეს რაზეც საუკუნეების განმავლობაში იდგა და დღესაც დგას ჩვენი სამშობლო. მე არ მჯერა იმ ევროპის, რომელიც მხარს უჭერს და მფარველობს ნაციონალურ მოძრაობას, ძალას რომელიც წლების განმავლობაში გვკლავდა და გვაწამებდა. მე არ მჯერა იმ ევროპის, რომელიც აფინანსებს იმ ორგანიზაციებს, რომელიც წლების განმავლობაში ებრძვის ყოველივე ქართულს.
მე მჯერა ევროპის, რომელზეც ოცნებობდნენ ჩემი წინაპრები, მე მჯერა ჩემი ქვეყნის და ისტორიის, მე მჯერა ჩვენი რწმენის, რომელიც საუკუნეების განმავლობაში ქართველი კაცის განნუყოფელი ნაწილი იყო.
არ მივცემ შესაძლებლობას არავის ხელისუფლების ხელში ჩაგდებაში დაეხმაროს ნაც მოძრაობას, ყველაფერს გავაკეთებ იმისთვის, რომ ნანატრი მშვიდობა, რომელმაც ბოლო ათი წლის განმავლობაში დაისადგურა ჩვენ ქვეყანაში, საფრთხის წინაშე არ დადგეს. იმისთვის, რომ ჩვენ ეს მოვახერხოთ საჭიროა სიმართლის ლაპარაკი, მოურიდებლად, პირდაპირ. სწორედ ამიტომ იმისთვის, რომ მე შევძლო თავისუფლად საუბარი და მოქმედება, გადავწყვიტე დავტოვო დაკავებული თანამდებობა და შევუერთდე იმ ადამიანების რიგებს ვინც აპირებს იბრძოლოს სიმართლისთვის, დაეხმაროს საკუთარ ქვეყანას ასეთ რთულ მომენტში და ხელი შეუშალოს ყველა მცდელობას რომელმაც შეიძლება საქართველო ომამდე მიიყვანოს.
ღმერთმა დალოცოს საქართველო! – წერს კოჭლოშვილი ფეისბუქზე
ცნობისთვის, ლევან კოჭლოშვილი თელავში ჩასული სამოქალაქო აქტივისტებისა და პროევროპული მოძრაობის წევრების მიმართ აგრესიით გამოირჩეოდა და მათი საინფორმაციო კამპანიის ჩაშლასაც ცდილობდა.
სუბარი-ხუნდძე-ყაველაშვილის ტრიოს ცოტა ხნის წინ შეუერთდნენ ,,ქართული ოცნების” დეპუტატები ლაგოდეხის, თერჯოლის, გორისა და ჭიათურის საკრებულოებიდან.