ლელა კაკულიას ფეისბუქგვერდზე მისი წინასწარმეტყველებები ქვეყნდება:
“1994 წელი, 1 დეკემბერი
აფსუები, ვხედავ, მომავალში გადადიან თურქეთში; დაიწყება მასიური გასვლა საქართველოდან. ვინც გავიდა, უკან აღარ დაბრუნდება. ქართველები ისევ ქართველებად გადმოეწერებიან და აფსუები, როგორც ერი, აღარ იარსებებს მომავალში.
ოსები განლაგდებიან ჩრდილოეთ ოსეთის ტერიტორიაზე; არ ექნებათ სურვილი მხოლოდ სამაჩაბლოში კი არა, არამედ საქართველოში დაბრუნებისა.
საქართველო ქართველებს და არა ურჯულოებს!
ახალი პრეზიდენტი ნაციონალურ პროგრამას განახორციელებს. ქართველმა უნდა ამოისუნთქოს საკუთარ ქვეყანაში. ამას ისე ლამაზად გააკეთებს, რომ არავითარი გამოხმაურება არ მოჰყვება.
ყველაფერი ქართულ და ინგლისურ (საერთაშორისო) ენაზე იქნება (რუსულის სწავლა ნებაყოფლობით), მიწები დაურიგდება ყველა ქართველს.
გადმოეწერონ ქართველებად, ბატონო!
2007 წელი, 18 ივლისი
არცერთი უცხოელი, ჩინელი, არაბი, აფრიკელი და ა.შ. გარდა მართლაც ნორმალურისა, არ დარჩება ჩემს საქართველოში, მერწმუნეთ!
საქართველო, დიახაც, მხოლოდ ქართველებისაა და მეტი არავისი. ასეთია ნება ღმერთისა და უფლისა ჩვენისა.
‼️ „და ესე წალკოტი ქართველთა, ჩემია მხოლოდ — უფლისა!“ — მესმის ხმა.
დიახ, დარუბანდიდან ტრაპიზონამდე საუფლო ადგილია.
2007 წელი, 30 სექტემბერი
ვხედავ, როგორ გადიან საქართველოდან უცხოელები, თუ სადმე არიან; ვხედავ, როგორ სუფთავდება საქართველო უცხო ტომთაგან.
ვხედავ კანონების ცვლას პარლამენტში. იღებენ ახალ კანონებს, რომლებიც იცავს თითოეული ქართველის ღირსებას, მათ ქონებას, რომლებიც ზღუდავს უცხოელთა თარეშს ქართულ მიწაზე.
<...> ვხედავ, განსაკუთრებით მიწის კანონში შედის ცვლილებები და იმ უფლებებს, რომლებიც აჰყარეს ქართველებს თავიანთ მიწაზე, უკან უბრუნებს უფალი.
დიახ, ყოველივე, რაც ხდება, ღმერთის ჩარევით ხდება!
„დაეპატრონნენ ჩემს წალკოტს ურჯულონი. დამინგრიეს სახლი ჩემი და ვაი თქვენ, უსუსურნო, ვაი თქვენ! ვერსად მოძებნით სამშობლოს, ვინაიდან განდევნილნი იქნებით სამუდამოდ და მოკვდებით, თქვენ, უწმინდურნო, სამშობლოს სიყვარულს მონატრებულნი. ამინ!“ — მესმის სიტყვები.
2007 წელი, 21 ოქტომბერი
[მომავალში საქართველოს] მთავრობაში მოდიან მეცნიერები, ეროვნული ხალხი და ყოველივე იქნება ღია, არა დაფარული. საქართველო ქართველებისაა და არა სხვა ერებისა!
ვხედავ, იხურება არაქართული სკოლები. საერთოდ ყველაფერი მხოლოდ ქართულად იფუნქციონირებს.
რაც შეეხება სხვა ტომებს, ისინი გაედინებიან საქართველოდან… ფეხს ვერ მოიკიდებენ საქართველოში. ვხედავ, გამოდის კანონი, რომელიც მათ აიძულებს, დატოვონ საქართველო.
დიახ, ასეა, თუ გინდათ საქართველოში ცხოვრება, იარეთ ქართულ სკოლებში, ისწავლეთ ქართული!
2008 წელი, 18 ივნისი
ურჯულო ქართულ მიწაზე ფეხს ვერ მოიკიდებს.
ქართველი განვითარების ყველა ეტაპს გაივლის, მაგრამ ქართული წესი, ზნე და ჩვეულება არ შეიცვლება მის სისხლში.
ქართველი ისევ მებრძოლად რჩება და, როგორც ადამ და ევას დროიდან მოდის, სამშობლოს სიყვარულში, ბრძოლაში მოკვდება. ეს ის ღრმა ფესვებია, რომელთაც ვერ მიწვდებიან, ვერ მოთხრიან. ისინი თვითონ მოითხრებიან საქართველოდან.
ვიცი, ჩემი წინასწარმეტყველება გარკვეულ ჯგუფს აღიზიანებს, რადგან არ სურთ ასეთი საქართველო. იცით, როგორი საქართველო სურთ მათ? რომელშიც ბევრი უცხოელი იცხოვრებს, ვინაიდან საქართველო ასე უფრო დემოკრატიული გამოჩნდება ევროპა-ამერიკის თვალში.
დიახ, ჩემო საყვარელო ადამიანებო, მართალს ვამბობ, იმიტომ, რომ ასე ვხედავ. მაგრამ მათ ეს არ გამოუვათ.
საქართველოში ყველაფრის პატრონი ქართველი იქნება!
ყველაფერი მალე დაიწმინდება და გამოჩნდება. უცხოელი, ვხედავ, ფეხს ვერ მოიკიდებს ქართულ მიწაზე.
ვიმეორებ: მსოფლიოში განვითარებულ ყველა სფეროს აითვისებენ ქართველები, არავის ჩამოვრჩებით, მაგრამ არა იმის ფასად, რომ საქართველო ურჯულოებზე გაიყიდოს. დიახ, ასეა, ასე აწერია საქართველოს ბედისწერაზე.
ლამის ქართველთა არსებობის დღიდან გვანადგურებს მტერი, მაგრამ ბოლოს ყოველთვის თავად ნადგურდებოდა, საქართველო კი რჩებოდა. ქართველი კაცის გადამრჩენელი ყოველთვის იყო მისი შინაგანი ბუნება, მებრძოლი ხასიათი, სამშობლოს სიყვარული და მისი წეს-ჩვეულებები. დღესაც ასე ხდება და ბოლოც იგივეა — საქართველო გადარჩება!
საქართველო ერთიანი და ძლიერი ევროპული ქვეყანაა მომავალში. ასე ვხედავ და ასე აღსრულდება ასი პროცენტით. უბრალოდ, ყველაფერი დროზეა დამოკიდებული, დროს კი ვერ ვხედავ, რადგან დრო კოსმოსში არ არსებობს.
დადგება ჟამი და ყველაფერი ასრულდება, თითოეული წერტილიც კი წინასწარმეტყველებისა. ამინ!
2008 წელი, 20 აგვისტო
სრულდება სხვა უამრავი წინასწარმეტყველებაც და ამიტომ ვიცი, რომ ჩემი საქართველო, ჩემი საყვარელი ქართველები ასი პროცენტით გადარჩებიან. საქართველო გასუფთავდება სხვა ტომებისგან, ურჯულოები გარბიან.
2013 წელი, 18 იანვარი
საქართველოს ყველა სიმდიდრე მისსავე მფლობელობაში იქნება. ვერავინ ვერაფერს ვერსად წაიღებს!
წარსულში მე უკვე ვიწინასწარმეტყველე და გაგახსენებთ, რომ თუ რომელიმე უცხოელმა რამე იყიდა საქართველოში, იმას მომავალში ან თავად სახელმწიფო, ან ქართველი ბიზნესმენები გამოისყიდიან და ისევ ჩვენს საკუთრებაში დაბრუნდება.
მინდა აღვნიშნო, რომ ის, რაც დღეს ხდება კახეთში ინდოელ ფერმერებთან დაკავშირებით, დროებითია, იმიტომ, რომ ამ მიწების გარდა კახეთს არაფერი აქვს.
ჩვენ რუსეთისხელა ტერიტორიებს არ ვფლობთ, რომ მიწების გასხვისება არ დაგვემჩნეს. ინდოელი ფერმერების საქართველოში მყარად ფეხის მოკიდებას მე არ ვხედავ ზუსტად იმიტომ, რომ კახელები არ დათმობენ თავიანთ მიწებს.
ეს მიწები ქართველმა გლეხმა უნდა იყიდოს და ახალმა მთავრობამ ყველაფერი უნდა გააკეთოს მათი ხელშეწყობისთვის. თორემ ხომ ხედავთ, კახელები მეორე „ბახტრიონით“ იმუქრებიან?! და იზამენ კიდეც, თანაც იმაზე მეტს, ვიდრე წარმოგიდგენიათ. ამიტომ, ფრთხილად!!!
️
2013 წელი, 13 მაისი
მინდა განსაკუთრებით აღვნიშნო, რომ ქართულ ტრადიციებს, წესებსა და ჩვეულებებს სხვა ტრადიციები ვერ ჩაენაცვლება. ქართული მიწა კი კვლავ ქართველებისაა.
ახლა ამ თემზე, მიწებთან დაკავშირებით კი ლაპარაკობენ, მაგრამ მომავალში ეს ყველაფერი მოქმედებაში მოვა.
მიწის მფლობელი უცხოელი ვერ იქნება. რაც უკვე გაყიდულია, იმას ქართველები გამოისყიდიან, ვინაიდან თავად უცხოელები ვერ გაჩერდებიან საქართველოში, თითო-ოროლას გარდა…”