“ნოდარ მელაძის შაბათის” ექსკლუზივი – პირველი ინტერვიუ ადამიანთან, ვინც 20 ივნისის სისხლიან ღამეს იარაღით ხელში რუსთაველის გამზირზე იდგა.
“გავრილოვის ღამიდან” სამი წლის თავზე, კამერების წინ პირველად ალაპარაკდება ადამიანი, რომელმაც ყველაზე მეტი იცის, ვისი ბრძანება იდგა, სისხლიანი მოვლენების უკან.
განსაკუთრებულ დავალებათა დეპარტამენტის შეირაღების სამმართველოს უფროსი – ლაშა შერგელაშვილი აქციის დარბევის დროს, შემაღლებულ ადგილას პარლამენტის კოლონადებთან იდგა, მის გვერდით განსაკუთრებული სისასტიკით ცნობილი სპეცრაზმელი, ზაზა ფანცქალაშვლი ჩანს. კადრების მიხედვით, ლაშა შერგელაშვილი მას იარაღზე ხელს უკრავს და დამიზნებული იარაღს სპეცრაზმელი ჰაერში ისვრის.
როდესაც დავინახე იარაღის ლულა, რომელიც მიშვერილი იყო, ახლოს კი ხალხი იდგა, ინსტიქტურად ვუთხარი არ ისროლოთქო, ამიტომაც ავუწიე იარაღი ზემოთ. თუმცა მან გაისროლა. ვკითხე, რატომ უმიზნებდითქო და რავი ისეო, სროლას არ ვაპირებდიო”- უყვება ლაშა შერგელაშვილი “შაბათის ეთერს”.
ლაშა შერგელაშვილი აღიარებს რომ 20 ივნისს ხალხის წინააღმდე ისროლეს ტყვიები, რომელის გამოყენებაც ძლიერი, დამაზიანებელი ეფექტის გამო აკრძალული იყო.
ადამიანი ვინც, სპეცრაზმელების შეიარაღებაზე იყო პასუხისმგებელი ადასტურებს, რომ 20 ივნისს ხმარებიდან ამოღებული ტყვიებს ისროდნენ, ხმარებიდან ტყვიები კი იმის გამო ამოიღეს, რომ მას ადამიანის მოკვლა შეეძლო.
შერგელაშვილის განცხადებით, ხმარებიდან ამოღებული ტყვიები პირველ სამმართველოს გამოუყენებია.
ეს ვაზნები ჩვენ გასინჯული გვქონდა და ვიცოდით, რა ცუდი შედეგი შეიძლებოდა მოეტანა ამას და ამოვიღეთ ხმარებიდან. ვიცოდით, რომ საშიში იყო, შესაძლებელია, ვინმე გარდაცვლილიყო საიდან მოხვდა იქ, ეს ნამდვილად არ ვიცი”– აცხადებს “შაბათის ეთერის” რესპოდენტი.
მეტიც, “შაბათის ეთერის” ექსკლუზიურ ინტერვიუში სპეცრაზმის შეირაღების მეთაური, ამბობს, რომ შინაგან საქმეთა სამინისტროს სპეცრაზმს იმ დღეს მხოლოდ გაზის კაფსულების სროლის ბრძანება ჰქონდა, ისიც მკაცრი მითითებით მიიღო.
ინტერვიუ ეს სკანდალური ნაწილი პრაქტიკულად ადასტურებს, ვერსიას, რომ იმ დღეს რუსთაველზე ხალხის წინააღმდეგ, კიდევ ერთი საიდუმლო დანაყოფი იყო გამოყვანილი, ანუ მეთოფეები, რომლებიც ხალხს დამიზნებით აკრძალული ტყვიებს ისროდნენ.
იყო იქ მოსაზრებები რომ, გასროლა საჭირო არ იყო, იმიტომ რომ გაცილებით გამოცდილი ადამიანები ვიყავით იქ და ვიცოდით, მაგას რა შედეგი შეიძლება მოჰყოლოდა, ითქვა იქ, სადაც ხელმძღვანელები იყვნენ, რომ არ ვისროლოთ. თუმცა ხელმძღვანელები ვერ დავარწმუნეთ, იმიტომ, რომ სავარაუდოდ, ისინიც ვერ წყვეტდდნენ”– ამბობს შერგელაშვილი.
ადამიანი ვინც 20 ივნისის სისხლიანი მოვლენების ნამდვილი ამბავი პირველად გათქვა. ახლა საქართველოში არ არის. მან ჯერ სისტემა, შემდეგ კი ქვეყანა დატოვა ამბობს, რომ რუსული ოკუპაციის წინააღმდეგ ბრძოლა, მისი ვალია, ახლა უკრაინაში ჩავიდა და ფრონტის წინაა ხაზზე დგას.
წყარო tvpirveli.ge